تاتا ... تاتا: مايو 2009

الأحد، 24 مايو 2009

أمانــــــــــــى ( مع أمنيات الشفاء )

قطعة

من شاش ابيض

تغلف ساق أمانى

وهى

على سرير الشفاء

تعد الثوانى

حتى تقفز الحبل

وتحقق الأمانى

لاتتعجلى صغيرتى

ستعود الأقدام

أن شاء الله تركض خلف ألأحلام

من تانى

أبتسمى كل صباح وقولى الحمد لله الذى أحيانى ......

الجمعة، 1 مايو 2009

سلامتك يا أما نى

الرساله التاليه

منقوله من مدونة

الزمن الجميل ( ماما أموله )

وهى تشرح نفسها

ـــــــــــــــــــــــــــــــــــــــــــــــــــــــــــــــــــــــــــ

أحبتي أبنائي وبناتي وإخوتي وأخواتي وحشتوني كلكم الصراحة مش عارفة أبدأ كلامي منين ها أقول الأول الحمد لله وكمان ها أقول اللهم اجعلني من الصابرين المحتسبين اللهم أمين بنتي الصغيرة أماني عندها 11 سنةفي الصف الخامس الابتدائي بتحب الخروج وبتحب الناس ودايما تساعدني في شغل البيت وكنت بقول أماني دي ايدي ورجلي لاحظت عليها إن مشيتها تغيرت وكنت بقولهاامشي كويس يا أماني وساعات والدها يزعقلها اعدلي مشيتك وكانت بتيجي على نفسها وتتحامل على رجلها وتحاول وتحاول لكن فجأة حالتها ساءت وبسرعة غريبة مش قادرة تمشي أخدتها لدكتور قالي محتاجة لعملية لتطويل وتر بالرجل الشمال وقالي نعمل اشاعات ونتأكد قبل ما أخدها وأسافر المنصورةوالمفروض اننا نعمل الأشعة النهاردةلكنها وقعت امبارح وفقدت القدرة على تحريك رجلها بسبب الألم الذي لاتستحمله أخدناها على المستشفى وعملنا الأشاعات والمفاجئة انه لم يكن وترا ولكنها عظام مفصل الفخذ تباعدت عن بعضها منذ زمن ونموها الطبيعي بدأ يتأثر بهذا العيب وسقوطها عمل على مزق آخر في المفصل مما أدى إلى تطور حالتهاسبحان الله والحمد لله وأمر الطبيب بعمل شدة لرجلها لمدة ثلاث أيام وبعدها ستجرى لها عملية تثبيت للمفصل بوضع مسمارين فيه الحمد لله سوف أسافر ان شاء الله الى المنصورة يوم الخميس لاجراءالفحوصات وتحديد موعد اجراء العمليةسوف اتغيب عنكم لفترة اطمنوا ان شاء الله خير من الله أسألكم الدعاء।

أنتهت رسالة ماما أموله

ونطلب من كل زائر أن يدعوا ل أمانى بالشفاء العاجل والعوده ألينا ....

ومدونة تاتا تاتا فى أنتظارك يا أمانى شدى حيلك .